Մանկության գույներով ու երջանիկ պահերով լի օր մեր կենտրոնում

Երեխաների պաշտպանության միջազգային օրը ևս մեկ անգամ հիշեցնում է, որ յուրաքանչյուր երեխայի ժպիտն ու առողջությունը մեր ամենամեծ արժեքներից են։ Մեր պարտքն է պահպանել ու փայփայել այդ անմեղությունը՝ նրանց համար ստեղծելով ապահով ու խաղաղ աշխարհ:

«Ս. Վ. Մալայանի անվան ակնաբուժական կենտրոնը» սրտանց շնորհավորում է բոլոր փոքրիկներին այս լուսավոր տոնի կապակցությամբ։

Մաղթում ենք անհոգ ու երջանիկ մանկություն, ամուր առողջություն և անսահման ուրախություն: Թող յուրաքանչյուր երեխա մեծանա սիրո, հոգատարության և ուշադրության միջավայրում՝ շրջապատված ընտանեկան ջերմությամբ ու բարությամբ։

Մեր կենտրոնի մեծագույն առաքելությունն է խնամքով պահպանել ձեր փոքրիկների աչքերի լույսը, որպեսզի նրանք աշխարհը տեսնեն միայն վառ, գունեղ ու բարի երանգներով:

Սիրելի՛ երեխաներ, թող ձեր աչքերում միշտ փայլեն ուրախությունն ու համարձակ երազանքները, իսկ հայացքն ուղղված լինի դեպի լուսավոր ու հաջողակ ապագա: